CELEBRANDO O DÍA DA PAZ

O 30 de xaneiro celébrase o Día Mundial da Paz. É certo que nos últimos anos ten decaído está celebración tan sinalada no calendario escolar. Son moitas as efemérides que enchen os calendarios e resulta complicado tratar todos os temas que se van conmemorando día tras día. Porén, a pesar da pouca incidencia que tivo este ano no noso centro, pensamos que é unha data moi importante, que permite reflexionar sobre moitas cuestións esenciais para os seres humanos e que, por desgraza, segue sendo necesario facelo á vista dos acontecementos que vemos hoxe no mundo.