PALABRAS E VERSOS DE MARÍA VICTORIA MORENO NOS VIDROS

"As persoas estamos feitas para chegar a perfección amando e sendo amadas"

"As persoas estamos feitas para levar adiante os proxectos máis fermosos"

"Os cans, fóra a alma, son como as persoas. Decátanse das cousas coma nós"

"Educar un neno é dotalo das ferramentas para que sexa feliz"

Gústame o cheiro a pan

dos amenceres,

e as andoriñas tolas

e as luces febles.

Gústame a vida

cando se axita en gozo

ó abri-lo día. 

Novo Poema da semana: O CUCO de Manuel María

Caldeiro das Nosas Letras 2016

Se aínda non tedes libretiña pasádevos pola Biblioteca!

Neste día previo ás Letras Galegas 2016 a biblioteca do Bouza Brey fixo unhas libretiñas ilustradas con versos de poemas de Manuel María. Ademais Irea Ferreiro, compañeira nosa de 1º da ESO, agasallounos tamén cos versos dun poema seu que poderedes atopar nunha das libretiñas. Agardamos que vos gusten e que as aproveitedes ben!

Terra Chá. Manuel María.

NOVO POEMA DA SEMANA

Non canta na Chá ninguén...

Xa temos outro novo poema da semana grazas á prolífica actividade dos nosos compañeiros artistas de segundo da ESO. Desta vez elixiron O Carro, versos ilustrados do noso benquerido Manuel María. Aquí tendes o poema con música de Fuxan os Ventos. Mirade que bonito lles quedou.

Non canta na Chá ninguén,

por iso meu carro canta,

canta o seu eixo tan ben

que a señardade me espanta.

Non hai canto tan fermoso:

fino coma un asubío,

anque é, as vegadas, saudoso

faise no ar rechouchío.

O meu carro é cerna dura:

sábese carballo e freixo.

Qué fermosa e a sua feitura!

Qué lixereza a do eixo!

As cousas vanse aledando

por onde meu carro pasa.

Carrétame herba pro gando!

Traime a colleita pra casa!

Expendedor de poemas

Xa chegou o expendedor de poemas á biblioteca do Bouza, abre a tapa e leva un poema, de baixón ou de subidón segundo o teu estado de ánimo. Podes collelo, do mesmo xeito, para facer un agasallo a outra persoa, son de balde! Ademais, se depositas poemas no expendedor, propios ou doutros autores que che gusten, contribúes ao seu funcionamento. Regálanos uns versos!

Bando. Poema da semana!

  Poema de Manuel María, do libro Documentos persoais, 1958.

Foi musicado pola Quenlla e podedes escoitalo na seguinte ligazón: Bando.

O meu barco. Manuel María. Poema da semana!

Nao Senlleira nas escaleiras do Bouza Brey!