O pasado día 29 de xaneiro veu ao noso IES o profesor "ad honorem" da USC, Antonio Costa Rico para explicarnos múltiples cuestións relacionadas coa vida universitaria: as modificacións nas probas da ABAU, as notas de corte, os graos que existen na USC, os créditos, as residencias universitarias, as becas, os programas como Erasmus ou Sócrates etc. Todos eles de moito interese para o alumnado de 2ºBach. que seguiu moi atento as explicacións desta charla que se prolongou durante case dúas horas.
Ademais, o alumno Diego Santorum deu lectura ao texto enviado polo ex-alumno César Barreiro sobre a súa experiencia na USC. César non puido estar presente na charla, xa que foi imposíbel sincronizar a súa axenda de estudante de Odontoloxía (o comezo das prácticas do segundo cuadrimestre) coa do profesor Costa Rico, cuxas obrigas académicas levárono a universidades do fóra do noso país nas datas anteriores ao comezo da segunda parte do curso na USC.
Ningún comentario:
Publicar un comentario