Celebramos o mércores nunha nova sesión de formación de usuarias. Desta volta enredamos moito coa actividade "Onde está o libro?", título que recibe tamén o vídeo que podedes ver no noso instagram bibliotecaiesbouzabrey. Aprendemos como están colocados os libros na biblioteca: á esquerda da entrada, literatura; ao fondo, obras de información xeral (libros das demais temáticas: filosofía, matemáticas, xeografía, ciencias naturais, historia, biografías, arte, informática...) e, á dereita da porta, a banda deseñada. As obras literarias están organizadas en tres grandes apartados: galega, española mais hispanoamericana e outras literaturas. Os libros das distintas seccións están sinalizados cos números da CDU e, dentro de cada sección están ordeados pola orde alfabética das tres primeiras letras do apelido da autora ou autor. Na sala hai carteis que nos indican cales son os números da CDU.
Se aínda así non atopades o libro que buscades, non o dubidedes: preguntade!!!
Aprendemos tamén que libro mal colocado é igual a libro perdido, por iso é tan importante non remexer e deixalos desordeados. Se non sabemos colocalos, deixámosllos ao equipo de Biblioteca. Seguro que saben cal é o seu lugar.
Ningún comentario:
Publicar un comentario