Con este fermoso poema agasallounos Mónica Góñez para que comezásemos a nosa actividade do Poema do mes este curso. Baixo a denominación "Poetas do Salnés: versos para nós" A biblioteca do IES Bouza Brey vai tentar facer unha cadea poética que enlazará poetas do Salnés. Mónica Góñez convidará axiña a outra autora ou autor a participar con nós.
"Adolescencia" é o título da composición que lemos e comentamos en distintos grupos e que rotulou 1ºESO-B. A verdade é que un poema sinxelo, pode ser moi fondo ao mesmo tempo. A súa lectura deunos pé para reflexionar sobre os cambios e, concretamente, sobre o que nos atinxe a nós e que serve de título ao poema: a adolescencia.
Que ollo tivo Mónica Góñez, porque precisamente o leitmotiv deste curso na Biblioteca é a TRANSFORMACIÓN.
Ningún comentario:
Publicar un comentario