Estamos ao pé da ría, nunha beiriña da Arousa chamada Vilagarcía!

venres, 11 de maio de 2018

O ESCALÓN DE ULISES ONDE SENTABA MARÍA VICTORIA MORENO

Moitísimas grazas a Montse Fajardo!

A escritora vilagarciá estivo onte no noso IES e tróuxonos como agasallo para a Biblio dous exemplares do libro que vén de publicar. Titúlase "O escalón de Ulises" e fálanos sobre a vida de María Victoria Moreno en Pontevedra a través das testemuñas de persoas que a amaron: amigas, familiares, amigos, compañeiros de traballo... Un libro cheo de humanidade que nos axuda a comprender mellor a autora homenaxeada nas Letras Galegas 2018.

Este libro, aínda que sobrio, ten na edición ese agarimo especial que lle pon Montse aos seus traballos. A maqueta é de Rosa de Cabanas e os debuxos de Manuel Uhía. 

                                                                 Unha chulada!


Ningún comentario:

Publicar un comentario