Un dos obxectivos que perseguimos coa fondísima transformación da Biblioteca é darlle unha nova vida aos nosos libros. Moitos descansaban un soño eterno nos andeis con perigo de convertelos nun cemiterio. E iso non o queremos de ningún xeito. Por este motivo buscamos fórmulas para atoparlles unha nova vida.
Esta semana tivemos a sorte de facer felices a un libro e un lector. Si, fixemos feliz a Xabier, profesor substituto que pasou unhas breves semanas con nós. E fixemos feliz A "Waelrad", noveliña escrita polo narrador Álvaro Otero, orixinario de Bueu, igual que Xabier. "Waelrad" é un dos "Relatos dunha hora" que publicaba a editorial Nigra alá polos anos 90, cando estivo de moda este tipo de lectura breve que, por outra banda, lembraba as iniciativas das Irmandades da Fala como as coleccións das editoriais Céltiga e Lar.
Ningún comentario:
Publicar un comentario