Estamos ao pé da ría, nunha beiriña da Arousa chamada Vilagarcía!

venres, 24 de novembro de 2017

25 DE NOVEMBRO: LECTURA DE TEXTOS CONTRA A VIOLENCIA MACHISTA




O 24 de novembro, aproveitamos a hora do recreo para facer unha actividade contra a violencia de xénero, sumándonos así á celebración do 25N. Xa que os cursos de 1º e 3º da ESO foron á frustrada andaina contra a violencia machista que organizou o Concello de Vilagarcía de Arousa, o alumnado de 2º ESO fixo unha pequena celebración lendo textos como este conmovedor poema escrito por unha muller anónima de O Grove que nos achegou os seus versos nacidos da dor de ser unha muller maltratada polo seu propio home. 



Tamén lemos textos publicados na revista BARDOS hai moito tempo. Algún mesmo hai 19 anos e, tristemente, parecía que fora escrito esta mesma semana, porque os problemas e situacións que denuncia son practicamente idénticos aos que temos na actualidade. Iso indica que non avanzaron moito as cousas neste terreo.






Por último, vimos un vídeo que nos fixo reflexionar sobre o feito de que unha "broma" se non é divertida e agradábel para as persoas implicadas nela, non é unha broma, senón unha agresión. Por moi inofensiva que nos pareza, como di o propio vídeo unha cousa sempre leva a outra, polo que debemos ter unha actitude de total rexeitamento á violencia de xénero desde os detalles máis cotiáns.



Imaxe do vídeo: "Querido papá, algún día chamaranme ..."

Ningún comentario:

Publicar un comentario