Estamos ao pé da ría, nunha beiriña da Arousa chamada Vilagarcía!

xoves, 8 de febreiro de 2018

CON TODO CORAZÓN


Con todo corazón queremos dicirvos que o amor ten que vivirse con respecto e liberdade. Esta é a mensaxe que o alumnado de 2ºESO espallou nos corazóns que decoran os corredores e escaleiras do noso instituto. Despois da lectura duns poemas de Carlos Negro pertencentes ao seu poemario "Penúltimas tendencias", as alumnas e alumnos de 2ºESO redactaron os lemas escritos neses corazóns que queren convidarnos a celebrar o amor, non dun xeito consumista, convencional e cheo de estereotipos asfixiantes, senón libre e en pé de igualdade. 

Cómpre desaprender tanta cursilería e toxicidade mental envolta en celofán rosa ou vermello que remata por provocar tanto sufrimento.

Feliz festa do amor a todas e todos!!!


Esta é a capa do poemario de Carlos Negro onde reflexiona sobre 
a imposición de estereotipos de xénero na sociedade actual

Ningún comentario:

Publicar un comentario