Os epitafios (do latín epitaphium, composto de duas voces gregas epi, sobre, e taphos, tumba), son textos que honran ao defunto, normalmente inscritos nunha lápida ou placa conmemorativa.
Precisamente, neste mes de Defuntos, as rapazas e rapaces de terceiro e primeiro da ESO buscaron epitafios curiosos, de autores relevantes do mundo da literatura, da filosofía, da política, e da cultura en xeral, dando como resultado unha exposición que se pode ver na cafetería. Nela participaron os departamentos de Lingua e Literatura Galega e Castelá, Ciencias Sociais e Cultura Clásica.
Dado que continuamos a celebrar o ano da luz, ao longo deste curso, a mostra leva por título Luces do Alén, ao que se lle engadiu un epitafio célebre que atopamos no camposanto da cidade de Ourense: "O termo da vida aqui o vedes, o destino da alma según obredes"
Ningún comentario:
Publicar un comentario