O martes 6 de febreiro falláronse os premios do XXIV Concurso de Adhesivos pola Normalización Lingüística que organizan os institutos do Salnés. Nesta edición o tema proposto foi "DO PERGAMIÑO AO DIXITAL. O patrimonio cultural galego: milenario e con futuro". Pretendíase poñer de relevo a presenza en Galiza do Pergamiño Vindel que contén as 7 cantigas de Martín Códax e que forma parte dos fondos da Morgan Librery de Nova York. Desde o pasado mes de outubro ata o próximo mes de marzo, este tesouro da nosa cultura pódese visitar no Museo do Mar de Galicia, situado en Vigo. Que mellor lugar para expoñer as cantigas de Martín Códax que cantan o mar de Vigo que este museo que parece emerxer dese mesmo mar!
Se aínda non o fostes ver -mirar-, non deixedes de facelo! En poucas semanas regresará a Nova York...
No Concurso de Adhesivos pola Normalización Lingüística outorgábanse 6 premios en total repartidos en 3 categorías. Na de 1º e 2º ESO resultou premiada a alumna de 2ºESO-A Clarisse Gallego Fontaine. Hai que lembrar que Clarisse vén de ser galardonada no Concurso de Contacontos: "Paso a paso polos contos do inverno".
Noraboa, Clarisse, polo teu talento e polos premios recibidos!
O traballo de Clarisse tiña unha mensaxe reivindicativa.
Outros traballos premiados podedes velos abaixo.
Ningún comentario:
Publicar un comentario