Este ano os departamentos de Francés e Ciencias Sociais
agasalláronnos cun tendal cheo de postais de nadal!
Vide velo!!!
mércores, 18 de decembro de 2013
martes, 17 de decembro de 2013
Días de Nadal e Banda deseñada.
Achégate á biblioteca e leva comics para ler no Nadal.
Estas son as nosas propostas, algunhas delas acabadiñas de chegar!
Feirón de Nadal
Neste Nadal, agasállate cun libro. Podes collelo de balde para lelo, regalalo, intercambialo...Os que hai na mesa da entrada son para mirar, follear, e levar o que che pareza! Polo Nadal desfruta da lectura e agasalla libros!
luns, 16 de decembro de 2013
Días de Nadal e Banda Deseñada na Biblioteca
Este Nadal, dende Laponia, chegou o Papa Noel á biblioteca do Bouza, cargado cun saco de Comics. Ven saudalo e leva algún para ler nas vacacións!!
mércores, 4 de decembro de 2013
CONTOS DE MEDO NA BIBLIOTECA DO BOUZA
O
pasado xoves 28 de novembro lemos e contamos pequenos relatos de medo
na biblioteca, deses que non che deixan durmir...
Comezou
Carmelo Cacabelos a escuras,
cun arrepiante conto curto:
“El caso de Charles Dexter Ward”, novela escrita por H. P.
Lovecraft.
Seguidamente
Cristina Souto leunos, valéndose só coa luz que daba un
pequeno foco: “En el desván”, un microconto
finalista do I certame de microrrelatos de terror Artgerust.
Anxo Oubel contounos “Un
caso de Licantropía” de Agustín Fernández Paz
e Sabela Figueira achegounos ao medo co epílogo de Xabier P.
Docampo en “Cando petan na porta pola noite”.
Cristian contounos a
historia de Xuxo Caramuxo, un mariñeiro de Cambados,
fachendoso e atrevido que, logo de ter navegar os cinco mares, mexou
de medo no medio e medio da noite cando aconteceron sucesos que non
se poden contar.
mércores, 27 de novembro de 2013
Contos do Outono no Bouza Brey
O xoves día 14 de novembro celebramos a tradicional velada de Contos do Outono. Esta actividade, organizada pola Biblioteca e o Departamento de Lingua Galega, consistiu nun concurso de contacontos onde participou o alumnado de 1º, 2º e 3º da ESO. Ademais, asistimos a unha actuación do contacontos Celso F. Sanmartín. Tendo en conta a escaseza de ámbitos de socialización da xente nova en lingua galega, os Contos do Outono pretenden ser un incentivo para o emprego do galego máis alá das aulas e desenvolver as súas competencias de expresión oral.
“Contar é un oficio que todos temos. Escoitar, conversar, colleitar, destilar, contar, convivir, …” Estas son palabras do manifesto do contacontos Celso F. Sanmartín. Así foi, quixemos que as historias saisen das páxinas impresas e das virtuais e que cobrasen vida na voz do alumnado.
A actividade resultou un éxito. Todos os participantes brillaron e fixeron gozar ao público. As gañadoras foron Helo Gallego e Sandra Navia en 1º da ESO, Anxo Oubel e Diego Falcón en 2º e Pierre Gallego e Carlos Barreiro en 3º. Estas foron as actuacións que máis gustaron ao estupendo xurado que tivo un difícil traballo, pero é innegable que houbo outras moitas intervencións magníficas. Xa estamos desexando unha nova edición para o curso que vén.
mércores, 20 de novembro de 2013
luns, 18 de novembro de 2013
Alice Munro, entre as novedades recén chegadas á biblioteca.
Alice Ann Munro, que naceu en Wingham (Ontario) en 1931, é a narradora canadiana que ven de recibir o Premio Nobel de Literatura. Está considerada como unha das escritoras actuais máis destacadas en lingua inglesa.
MOCHILAS VIAXEIRAS
Xa están en marcha as Mochilas Viaxeiras! Con lecturas, música e películas para toda a familia. Agardamos que as disfrutedes!!!
Deixamos a continuación algúns dos títulos que conteñen:
Deixamos a continuación algúns dos títulos que conteñen:
El Retorno a la Tierra. El Vasto Mundo
|
Contos por Palabras
|
El Sabueso de los Baskerville
|
O Principiño
|
Marc e Cédric
|
The Aventures of Tom Sawyer
|
Mafalda
|
A Música que Facemos
|
13 Badaladas
|
Negras Sombras
|
Insectophobie Niveau 2
|
El Bosque Animado
|
De Profundis. Miguel Anxo Prado
|
Unha Bolsa de Canicas
|
Un Vie de Chat
|
El curso en que me enamoré de ti
|
Lendas Douradas. Roi Casal
|
De Profundis. Miguel Anxo Prado
|
Subscribirse a:
Publicacións (Atom)