UN PRIMEIRO ENCONTRO: FORMACIÓN DE USUARIAS

O xoves 11 de outubro tivemos a primeira sesión de formación de usuarias/os. A primeira, porque en vindeiras semanas teremos outra.
O alumnado de 1º de ESO soubo por fin o seu número de usuario e levou cadanseu carné. Ademais, cada alumna e alumno levou un letreiro coa CDU. Este é o código que indica as distintas materias en que está organizada a nosa Biblioteca (e case todas as do mundo!). O obxectivo é decorarmos os carteis e logo facermos un concurso para poñer os mellores indicando os lugares da sala onde están os libros das distintas materias.